အမှုဆောင်ကော်မတီ

blank

Mr. SEANG Serey, ဥက္ကဌ

ကမ္ဘောဒီးယားလူမျိုး Mr. Seang Serey သည် စထာပါနာလီမိတက်မြန်မာ၏ အလုပ်အမှုဆောင်အရာရှိချုပ်အဖြစ် လက်ရှိတွင်တာဝန်ထမ်းဆောင်လျက် ရှိပါသည်။ Mr. Seang Serey သည် ငွေရေးကြေးရေး အဖွဲ့အစည်းများနှင့် နိုင်ငံမျိုးစုံပါဝင်သော ကုမ္ပဏီများတွင် အတတ်ပညာပိုင်းဆိုင်ရာ လုပ်ငန်းအတွေ့အကြုံ နှစ် (၂၀) ကျော်ရှိပြီ ဖြစ်သည်။ စထာပါနာလီမိတက်သို့ မဝင်ရောက်မီ Mr. Seang Serey သည် (၂၀၀၄) ခုနှစ်မှ (၂၀၀၈) ခုနှစ်အထိ အထင်ကရ အသေးစားငွေရေးကြေးရေး အဖွဲ့အစည်းတစ်ခုတွင် လက်ထောက်လုပ်ငန်းလည်ပတ်ရေး မန်နေဂျာရာထူး နှင့် ပြည်နယ်မန်နေဂျာရာထူးအဖြစ် လုပ်ဆောင်ခဲ့ပါသည်။ အထူးသဖြင့် ချေးငွေစီစစ်ရေးနှင့် စီမံခန့်ခွဲရေး (people management) နယ်ပယ်တွင် အတွေ့အကြုံများစွာ ရှိပါသည်။ ၂၀၀၈ ခုနှစ်တွင် ကမ္ကောဒီးယားနိုင်ငံရှိ ပထမဦးဆုံး ဂျပန်ကုမ္ပဏီဖြစ်သည့် MARUHAN Japan Bank Plc တွင် ရုံးခွဲမန်နေဂျာအဖြစ်၎င်း၊ ရုံးချုပ်တာဝန်ခံအဖြစ်၎င်း၊ အရောင်းဌာနတာဝန်ခံအဖြစ်၎င်း၊ ဘဏ္ဍာရေးအဖွဲ့အစည်းတာဝန်ခံအဖြစ်၎င်း စသည့် စီမံအုပ်ချုပ်ရေးရာထူးများကို တာဝန်ယူခဲ့ပါသည်။ ၂၀၁၄ စက်တင်ဘာလ၌ နှုတ်ထွက်စာမတင်မီ Specialized Bank တွင် Business Division and Finance ဌာန၏ Assistant President and Executive Officer အဖြစ်ကမ်းလှမ်းခံခဲ့ရသည်။ ထို့နောက် ၂၀၁၄ အောက်တိုဘာတွင် SATHAPANA Bank PLC ၌ Chief Administrative Officer (CAO) အဖြစ် ခန့်အပ်ခံခဲ့ရပါသည်။ ထိုမှတဆင့် ၂၀၁၄၊ ဇန်နဝါရီလမှစတင်၍ ယနေ့ထိ SATHAPANA Limited Myanmar ၏ အလုပ်အမှုဆောင်အရာရှိချုပ် (CEO) အဖြစ် တာဝန်ထမ်းဆောင်နေပါသည်။ Mr.Seang Serey သည် Maharishi Vedic University မှ ၁၉၉၇ ခုနှစ်တွင် ဘွဲ့ရရှိခဲ့ပါသည်။ ၂၀၀၆ ခုနှစ်တွင် Charles Sturt University, Australia မှ မဟာဘွဲ့ ထပ်မံရရှိခဲ့ပါသည်။

blank

Mr. TAKESHI Okubo, အဖွဲ့ဝင်

ဂျပန်လူမျိုး Mr.Takeshi Okuboသည် စထာပါနာလီမိတက်မြန်မာတွင် လက်ထောက်အလုပ်အမှုဆောင်အရာရှိချုပ်အဖြစ် လက်ရှိတွင် တာဝန်ထမ်းဆောင်နေပါသည်။ Mr.Takeshi Okubo သည် ဂျပန်၊ အမေရိကန် နှင့် အိန္ဒိယနိုင်ငံတို့ရှိ အပြည်ပြည်ဆိုင်ရာဘဏ်နှင့် ငွေရေးကြေးရေးအဖွဲ့အစည်းတို့တွင် (၂၅)နှစ်ကျော် လုပ်ငန်းအတွေ့အကြုံရှိပါသည်။ ၂၀၀၁ ခုနှစ်မှ ၂၀၀၄ ခုနှစ်ထိ ကော်ပိုရေးရှင်းစီမံကိန်းရေးဆွဲရေးဌာန၊ ဖူဂျီဘဏ်တွင် လက်ထောက်ဒုသမ္မတ အဖြစ် တာဝန်ယူခဲ့ပါသည်။ ၂၀၀၄ ခုနှစ်မှစတင်၍ Mizuho Bank, Ltd. တွင် အမေရိကန်ကော်ပိုရေးရှင်း ဘဏ်လုပ်ငန်းဌာန၊ အပြည်ပြည်ဆိုင်ရာ လုပ်ငန်းလည်ပတ်ရေးဆိုင်ရာ စီမံကိန်းရေးဆွဲရေးဌာန တို့တွင် စီနီယာဥက္ကဌအဖြစ်၎င်း၊ India Administration Department တွင် Joint General Manager အဖြစ်၎င်း၊ Global Core Banking System Transformation Project Team ၏ Joint Project Manager အဖြစ်၎င်း တာဝန်ထမ်းဆောင်ခဲ့ပါသည်။ Mr.Takeshi သည် ၁၉၉၁ ခုနှစ်တွင် Waseda University မှ ဥပဒေဘွဲ့ရရှိခဲ့ပြီး ၁၉၉၅ ခုနှစ်တွင် University of Illinois, USA မှ ဥပဒေအထူးပြုမဟာဘွဲ့ ရရှိခဲ့ပါသည်။

blank

Mr. SOK Viseth, အဖွဲ့ဝင်

Mr.Sok Viseth ကို ၁၉၈၅ ခုနှစ်တွင် ကမ္ဘောဒီးယား၌ မွေးဖွားခဲ့ပါသည်။Mr.Sok Viseth သည် National University of Management (Cambodia) မှ စီးပွားရေးလုပ်ငန်းစီမံခန့်ခွဲမှုပညာဘွဲ့၊ NANTES University (France) မှ ဘဏ်လုပ်ငန်းနှင့် အာမခံလုပ်ငန်းဆိုင်ရာ ဘဏ္ဍာရေးမဟာဘွဲ့၊ Royal University of Law and Economics (Cambodia) မှ အာမခံလုပ်ငန်း၊ ဘဏ္ဍာရေးနှင့် ဘဏ်လုပ်ငန်းဆိုင်ရာ ဆုံးရှုံးနိုင်မှုလျှော့ချရေးစီမံခန့်ခွဲမှု မဟာဘွဲ့တို့ ရရှိထားပါသည်။ ၂၀၁၂ ခုနှစ်တွင် Association of Chartered Certified Accountant, UK စာမေးပွဲကိုအောင်မြင်ခဲ့ပြီး ၂၀၁၃ ခုနှစ်တွင် ACCA အဖွဲ့ဝင်ဖြစ်လာခဲ့သည်။ ထိုမှတဆင့် ၂၀၁၈ ခုနှစ်တွင် FCCA ဖြစ်လာခဲ့သည်။ Cambodia နိုင်ငံတွင် Tax Agent Exam ကိုလည်း အောင်မြင်ခဲ့ပြီး ဖြစ်သည်။ Mr.Sok Viseth သည် လုပ်ငန်းအတွေ့အကြုံ ၁၀ နှစ်ဝန်းကျင်ရှိပြီး Government Tax Officer အဖြစ် ၁ နှစ်ခွဲကြာ စတင်လုပ်ကိုင်ခဲ့ပြီးနောက် International Logistics Company သို့ ပြောင်းရွှေ့လုပ်ကိုင်ခဲ့သည်။ ၂၀၁၀၊ ဇူလိုင်တွင် SATHAPANA Limited, Cambodia (ယခု SATHAPANA Bank Plc) သို့ စတင်ဝင်ရောက်ခဲ့သည်။ Financial Controller, Senior Financial Accounting Officer, Deputy Head of Finance Department, Deputy Head of Treasury Department နှင့် Deputy Head of Internal Audit Department အစရှိသည့် ရာထူးတာဝန်ထမ်းများ ထမ်းဆောင်ခဲ့ပါသည်။ ၂၀၁၈၊ ဇန်နဝါရီတွင် Chief Financial Officer (CFO) အဖြစ် စထာပါနာလီမိတက်မြန်မာသို့ ပြောင်းရွှေ့ခဲ့ပါသည်။